ევრომაიდანის სრული „გაწმენდა" იგეგმება, ახლომდებარე ოფისებიდან ხალხის ევაკუაცია დაიწყო. მაიდანის „წმენდა" 16:00 საათის შემდეგ იგეგმება. უკრაინული მედიის ინფორმაციით, ინფორმაცია ამის შესახებ სოციალურ ქსელში გვერდზ „ევრომაიდან SOS" გაჩნდა.
„ჩვენ ცხელ ხაზზე სახელმწიფო რადიოდან დაგვირეკეს, რომელიც კრეშატიკზე იმყოფება. რადიოს თანამშრომლებს განუცხადეს, რომ მათ შენობა 16:00 საათამდე უნდა დატოვონ, იმიტომ, რომ ამ დროის შემდგე მთელი მაიდანის „გაწმენდა" დაიწყება", _ ნათქვამია გავრცელებულ ინფორმაციაში.
ამასთან ერთად, ამ შეტყობინების ქვეშ არსებული კომენტარებიდან ირკვევა, რომ ასევე მიმდინარეობს კიევის ცენტრში მდებარე ყველა ოფისის თანამშრომელთა ევაკუაცია.
