ამერიკელი პოლიტოლოგი ალქსანდროს პეტერსენი 17 იანვარს ავღანეთში ტერორისტების მიერ განხორციელებული შეტევის შედეგად დაიღუპა. მასთან ერთად დაღუპულია კიდევ 20 ადამიანი. ექსპერტი, რომლის სპეციალიზაცია კავკასიისა და ცენტრალური აზიის შესწავლა იყო ავღანეთში იანვრის დასაწყისში ერთ-ერთ ამერიკულ უნივერსიტეტში სამუშაო ჩავიდა.
The Daily Beast-ის ინფორმაციით, 29 წლის პეტერსენი საქართველოს ყოფილი პრეზიდენტის მიხეილ სააკაშვილის ბიოგრაფიაზე მუშაობდა. მისი წიგნი სააკაშვილზე რამდენიმე თვეში უნდა დასრულებულიყო.
ჯერჯერობით არ ვრცელდება ინფორმაცია გაგრძელდება თუ არა მუშაობა წიგნზე ახალი ავტორის მიერ.
შეგახსენებთ, რომ ქაბულში განხორციელებული ტეორისტული აქტის შედეგად 21 ადამიანი დაიღუპა. მათ შორის 13 უცხოელია.
მასალის გამოყენების პირობები
