ადვოკატთა ასოციაციის თავმჯდომარე ზაზა ხატიაშვილი ,,ჯი-ეიჩ-ენთან" საუბარში აცხადებს, რომ პრემიერ-მინისტრმა მთავარ პროკურორად გიორგი ბადაშვილის დანიშვნით მორიგი შეცდომა დაუშვა.
,, ირაკლი ღარიბაშვილმა მორიგი მცდარი ნაბიჯი გადადგა, როცა ფინანსური პოლიციის კადრი გიორგი ბადაშვილი მთავარ პროკურორად დანიშნა. კაცი რომელიც 2011 წლიდან ფინანსური პოლიციის სამმართველოს უფროსი იყო, მაშინ როცა სამოქალაქო საზოგადოება ტერორში იყო და ადამიანები პროკურატურის შენობაში ქონებას სახელმწიფოს ჩუქნიდნენ, ეს ადეიშვილის გამოზრდილი კადრი დანიშნა მთავარ პროკურორად რაც იმის სიგნალია, რომ სამოქალაქო საზოგადოება კვლავ ტერორის ქვეშ იქნება", _განაცხადა ხატიაშვილმა ,,ჯი-ეიჩ-ენთან" საუბარში.
ხატიაშვილის განცხადებით, გიორგი ბადაშვილის პირობებში ის მთავარ პროკურატურაში ცვლილებებს არ ელოდება.
,,ცვლილებებს არ ველოდები, რადგან ის პროკურორები რომლებიც წლების განმავლობაში საზოგადოებას ატერორებდნენ დააწინაურეს. მთვარ პროკურატურაში ინიშნებიან ის კადრები, რომლებმაც უნდა შესრულონ ის ფუნქცია რასაც სააკაშვილის რეჟიმი აკეთებდა", _განაცხადა ,,ჯი-ეიჩ-ენთან" საუბარში ზაზა ხატიაშვილმა.
