საგარეო საქმეთა მინისტრი მაია ფანჯიკიძე რუსი კოლეგის სერგეი ლავროვის განცხადებას ეხმიანება. როგორც ფანჯიკიძემ რუსეთის საგრეო საქმეთა მინისტრის განცხადების კომენტირებისას განაცხადა რეგიონში რეალობის შეცვლა დამოკიდებულია არა მხოლოდ საქართველო-რუსეთის ურთიერთობაზე, არამედ საერთაშორისო თანამეგობრობაზე.
"რუსეთის მიერ საქართველოს ტერიტორიის 20% ოკუპირებულია და ჩვენი ორი რეგიონი დამოუკიდებელ სახელმწიფოებად არის აღიარებული. საქართველო არასდროს შეეგუება არც ერთს და არც მეორეს და იგი დანარჩენ მსოფლიოსთან ერთად მუშაობს და მოქმედებს იმისთვის, რომ ეს სიტუაცია გამოსწორდეს და დაუბრუნდეს ძველ პარამეტრებს. აქედან გამომდინარე, შეიცვლება თუ არა რეალობა, ეს არის დამოკიდებული არა მხოლოდ საქართველო-რუსეთის ურთიერთობაზე, არამედ საერთაშორისო ნორმებზე, საერთაშორისო თანამეგობრობაზე", - განაცხადა ფანჯიკიძემ.
შეგახსენებთ, რომ სერგეი ლავროვის განცხადებით, საქართველოს მიერ რეალობის არაღიარება დაამუხრუჭებს და შეაფერხებს რუსეთ-საქართველოს ურთიერთობას.
მისივე განმარტებით, რეგიონში შექმნილი რეალობის შეცვლა შეუძლებელია.
