სახალხო დამცველი უჩა ნანუაშვილი ევროპის საბჭოს ადამიანის უფლებათა დაცვის კომისარს ნილს მუჟნეკს შეხვდა.
შეხვედრაზე საუბარი შეეხო მართლმასჯულების დამდგენი კომისიის შექმნის მექანიზმებს, სამართლიანობის აღდგენას, ასევე დამოუკიდებელი მექანიზმის არსებობას, რომელმაც უნდა გამოიძიოს სამართალდამცველების მხრიდან შესაძლო დანაშაულის ფაქტები.
სახალხო დამცველმა მოწვეულ სტუმრებს ინფორმაცია მიაწოდა სასამართლო სისტემასა და მართლმსაჯულებაში არსებულ მდგომარეობაზე.
სახალხო დამცველის აპარატის ინფორმაციით, შეხვედრაზე ასევე ყურადღება გამახვილდა უმცირესობის კუთხით არსებულ ვითარებაზე და იმ ტენდენციებზე, რომელიც ბოლო თვეების განმავლობაში არსებობს.
ადამიანის უფლებათა დაცვის კომისარსა და სახალხო დამცველს შორის გამართულ შეხვედრაზე სამომავლო თანამშრომლობის საკითხებიც განიხილეს.
