აშშ-ს ჩრდილო-დასავლეთ რეგიონებზე თავს დამტყდარმა თოვლის შტორმმა „ჰერკულესმა" სულ მცირე 15 ადამიანის სიცოცხლე წაიღო. ადამიანების გარდაცვალების მიზეზი - გაყინვა და გულ-სისხლძარღვთა სისტემის დაავადებებია. მოქალაქეების სიცოცხლე ასევე შეიწირეს ავტოსაგზაო შემთხვევებმა.
თოვლის შტორმი ამჟამადაც მძვინვარებს ტერიტორიაზე სადაც 100 ათასი ადამიანი ცხოვრობს. საგანგებო მდგომარეობაა გამოცხადებული ნიუ-იორკისა და ნიუ-ჯერსის შტატებში. თოვლის საფარის სისქე 60 სმ აღწევს.
უამინდობის გამო უკვე მეორე დღეა გაუქმებულია ათასობით ავიარეისი, შეზღუდულია მოძრაობა ავტომაგისტრალებზე, აშშ-ს 22 შტატში დახურულია სკოლები და ადმინისტრაციული შენობები.
