,,მხოლოდ არჩევითი დემოკრატია არ მუშაობს იმ ქვეყნებში სადაც ამომრჩეველი ბნელია,- წერს ,,ფეისბუქის" გვერდზე კულტურის ყოფილი მინისტრი ნიკა რურუა.
,,მხოლოდ არჩევითი დემოკრატია არ მუშაობს იმ ქვეყნებში სადაც ამომრჩეველი ბნელია, რადგანაც იგი ირჩევს პოპულისტ მთავრობას, ვინც შემდგომი წარუმატებლობის ფაქტით კიდევ უფრო მეტ დისკრედიტაციას უკეთებს ამ პოლიტიკურ იდეოლოგიას. იმისათვის, რომ არა მხოლოდ საარჩევნო, არამედ ლიბერალური დემოკრატია დაფუძნდეს სახელმწიფოში, საჭიროა განათლებული, შეგნებული, კრიტიკული აზროვნებისა და გამბედაობის პატრონი ამომრჩეველი. სხვანაირად, მხოლოდ "საარჩევნო" დემოკრატია კარგს ვერაფეს მოიტანს, თუმცა ის მაინც სჯობს ყველა სხვა არსებულ ვარიანტს მმართველობისა, გარდა ლიბერალური დემოკრატიისა. საარჩევნო დემოკრატია ერთგვარი შუალედური ვარიანტია ავტოკრატიასა და ლიბერალურ დემოკრატიას შორის, რომელიც ან ერთ მხარეს დეგენერირდება, ან მეორე მხარეს ვითარდება. ის, თავისთავად, დიდ ხანს ტრანსფორმაციის გარეშე ვერ ძლებს. ჩვენ, როგორც სახელმწიფო, ახლა სწორედ ამ ზღვარზე ვიმყოფებით", - წერს რურუა.