არასამთავრობო ორგანიზაციების „საქართველოს ახალგაზრდა კონსტიტუციონალისტთა ასოციაცია" და „ადამიანი, კანონი, თავისუფლების" წევრები, სახელმწიფო მინისტრს, პაატა ზაქარეიშვილს შეხვდნენ. შეხვედრის მთავარი თემა ქართველი, ოსი და აფხაზი მოსახლეობის დაახლოებისთვის არსებული სახელმწიფო პოლიტიკა იყო, ასევე საუბარი შეეხო საქართველოს ტერიტორიული მთლიანობის აღდგენის პერსპექექტივებსა და ხალხთა შორის შერიგების საკითხებს.
არასამთვრობო ორგანიზაციის წარმომადგენლები ასევე დაინტერესდნენ სამინისტროს სამომავლო გეგმებით. როგორც სახელმწიფო მინისტრმა განაცხადა შეიქმნა კომისია, რომელიც რელიგიური უმცირესობის წარმომადგენლების უფლებებს დაიცავს, რადგან აქამდე აღნიშნული კომისია არ არსებობდა. დიალოგის დროს ასევე აღინიშნა მთავრობის მიერ დაგეგმილი არაერთი ინიციატივა და გეგმა, რომელიც კონფლიქტურ რეგიონებში სამშვიდობო პროცესის უზრუნველსაყოფად განხორციელდება.
ზაქარეიშვილის თქმით ურთიერთობების დათბობისთვის საქართველომ არაერთი გონივრული ნაბიჯი უნდა გადადგას, რაც ძალიან ახლო პერსპექტივაში რეალურად პროგრესის მომტანი იქნება. ამ მიმართულებით განსაკუთრებით მნიშვნელოვანია სოჭის ოლიმპიადის მშვიდობიანი ჩარატება, რათა არ მიეცეს საშუალება რუსეთს საქართველო დაადანაშაულოს პროვოკაციის მოწყობაში.
როგორც მინისტრმა აღნიშნა მთავრობის გონივრული პოლიტიკის შედეგია, რაც ამ დროისთვის მიღწეულია კონფლიქტის მხარეებს შორის.
ორგანიზაციის წევრები დადებითად აფასებენ სამინისტროს და უშუალოდ მინისტრის ხედვას და სამომავლო გეგმებს. შეხვედრის დასრულებისას მოხდა შეთანხმება, რომ ჩვენი სამომავლო თანამშრომლობა უფრო მჭირდო ხასიათის იქნება.