აშშ-ის ელჩი საქართველოში რიჩარდ ნორლანდი საქართველოს ყველა მოქალაქეებს დამდეგ ახალ წელს ულოცავს და მისალოც განცხადებას არვრცელებს, რომელსაც ,,ჯი-ეიჩ-ენი" უცვლელად გთავაზობთ: ,,ძვირფასო მეგობრებო, ჩემი ოჯახისა და ამერიკის საელჩოს სახელით მინდა, ვისარგებლო შემთხვევით და ვუსურვო საქართველოს ყველა მოქალაქეს შესანიშნავი დღესასწაული და ბედნიერი, ჯანმრთელი და მშვიდობიანი ახალი წელი. ჩვენი ფიქრებით განსაკუთრებით იმ მამაც ქართველ და ამერიკელ ჯარისკაცებთან ვართ, რომლებიც ამ სადღესასწაულო დღეებში სახლიდან შორს ავღანეთში ერთმანეთის მხარდამხარ მსახურობენ. ჩვენი რელიგიისა და წარმომავლობის მიუხედავად, დღესასწაულებზე ოჯახები და მეგობრები ერთად იყრიან თავს და მადლობას უძღვნიან გასულ წელს მის მიერ მოტანილი წარმატებების გამო. დღეს უფრო მეტად, ვიდრე ოდესმე, მნიშვნელოვანია ყველა ქართველის ერთსულოვანი შრომა იმ საერთო მიზნის მისაღწევად, რასაც თავდაჯერებული, დემოკრატიული საქართველო ჰქვია, საქართველო, რომელიც მსოფლიოს ამ სტრატეგიულ ნაწილში სტაბილურობას უზრუნველყოფს.აშშ მხარს უჭერს საქართველოს ყველა მოქალაქეს მათ ერთობლივ ძალისხმევაში, ააშენონ უკეთესი მომავალი საკუთარი შვილებისა და ქვეყნისთვის. იმედი მაქვს, თქვენ და თქვენი ოჯახები მშვიდობიანი და მხიარული დღესასწაულით ისიამოვნებთ, ახალ წელს ახალი ენერგიითა და მომავლის იმედით შეხვდებით. გილოცავთ ახალ წელს", - აცხადებს რიჩარდ ნორლანდი .
მასალის გამოყენების პირობები