ვაკე-საბურთალოს დამაკავშირებელ ახალ გზატკეცილს ჭაბუა ამირეჯიბის სახელი მიენიჭა. შესაბამისი დადგენილება თბილისის საკრებულო წევრებმა საკრებულოს სხდომაზე მიიღეს.
დადგენილების დამტკიცებისას საკრებულოს წევრმა ჯაბა სამუშიამ დედაქალაქის მთავრობას მიმართა თხოვნით, უზრუნველყოს ასევე ჭაბუა ამირეჯიბის მემორიალური დაფის განთავსება.
საკრებულოს გადაწყვეტილებით, სახელი შეეცვალა მოსწავლე-ახალგაზრდობის სასახლის ბაღს. ბაღს აქამდე პირველი რესპუბლიკის სახელი ეწოდებოდა, თუმცა, თბილისის საკანონმდებლო ორგანოს ინიციატივით საქართველოს დემოკრატიული რესპუბლიკის სახელი ერქმევა.
სახელწოდებებთან დაკავშირებით თბილისში კიდევ ერთი ცვლილებაა. საკრებულოს სხდომაზე მიღებული გადაწყვეტილებით, ჩუღურეთის რაიონში, წყაროს ქუჩასთან არსებულ ჩიხს წყაროს სახელი მიენიჭა.
