როგორც სააგენტოდან „ჯი-ეიჩ-ენს" აცნობეს, ზამთრის ახალი სეზონის წინ, 2013 წლის 26 დეკემბერს, 19:00-ზე გუდაურის განვითარების სააგენტო აღნიშნული თემების პრეზენტაციას თბილისში, „კაფე დისქავერიში" (ჭავჭავაძის გამზ. 40) მოაწყობს. ამ დღეს, მედიასა და გუდაურის ერთგულ დამსვენებელს, გგს ფოტოგამოფენაზე „აღმოაჩინე გუდაური" და 2012/2013 წლების სათხილამურო სეზონის სქილაინის გამარჯვებულების დაჯილდოებაზე ეპატიჟება.

2013 წლის ზაფხულში გუდაურის განვითარების სააგენტოს ფეისბუქის ოფიციალურ გვერდზე ფოტოკონკურსი „ჩემი გუდაური" მიმდინარეობდა. აღნიშნული ფოტოკონკურსის მიზანი 2012/2013 წ.წ. ზამთრის სეზონის დროს გადაღებული საუკეთესო ფოტოების გამოვლენა იყო. ფოტოკონკურსში როგორც ქართველი, ასევე უცხოელი ფოტომოყვარულები მონაწილეობდნენ. საბოლოოდ, ფოტოკონკურსის გამარჯვებული ე.წ. „ლაიქებით" გამოვლინდა.

გამარჯვებული ფოტოს ავტორი გგს-ის მიერ 2013/2014 წ.წ. ზამთრის სეზონის სასრიალო აბონიმენტით ჯილდოვდება. 2013/2014 წ.წ. სასრიალო აბონიმენტებით ჯილდოვდებიან ასევე, სქილაინის პრიზიორებიც. სქილანის სარგებლობა შეუძლია ყველა ადამიანს, რომელსაც შეძენილი აქვს გუდაურის სასრიალო ნებისმიერი ტიპის აბონიმენტი. აბონიმენტზე დატანილი უნიკალური კოდის დახმარებით, ნებისმიერი მოსრიალე სქილაინში დარეგისტრირებასა და მთელი სეზონის განმავლობაში საკუთარი შედეგის თვალის დევნებას ახერხებს.

წლის ბოლო, კი ვლინდება ე.წ. თოპ-100-ული.