საქართველოს ფინანსთა სამინისტროს საგამოძიებო სამსახურის საზოგადოებასთან ურთიერთობის სამმართველოს უფროსი გიორგი გრძელიშვილი გახდა. გიორგი გრძელიშვილი ჟურნალისტია და საგამოძიებო სამსახურის საზოგადოებასთან ურთიერთობის სამმართველოს უფროსად დანიშვნამდე საზოგადოებრივი მაუწყებლის პირველი არხის დილის გადაცემის წამყვანი იყო.
გიორგი გრძელიშვილი 1990 წელს დაიბადა, დაამთავრა შოთა რუსთაველის სახელობის თეატრისა და კინოს უნივერსიტეტის ტელე-რადიო ჟურნალისტიკის ფაკულტეტი. 2002 წელს სამაგისტრო პროგრამაზე წარადგინა სამეცნიერო ნაშრომი "ფერი და განათება სატელევიზიო პროგრამებში." მას მიენიჭა მაგისტრის ხარისხი. ამჟამად, გიორგი გრძელიშვილი შოთა რუსთაველის თეატრისა და კინოს უნივერსიტეტის, მედიის კვლევის სადოქტორო პროგრამაზე სწავლობს. 2009 წლიდან იგი საქართველოს საზოგადოებრივი მაუწყებლის პირველი არხის დილის პროგრამებში სხვადასხვა პოზიციაზე მუშაობდა.
საგამოძიებო სამსახურის საზოგადოებასთან ურთიერთობის სამმართველოს უფროსის პოსტი მას შემდეგ გახდა ვაკანტური, რაც ამ სამმართველოს ყოფილი ხელმძღვანელი თეიმურაზ დოლიძე საქართველოს მთავარი პროკურატურის საზოგადოებასთან ურთიერთობის დეპარტამენტის უფროსად დაინიშნა.
