23-27 დეკემბერს ექვთიმე თაყაიშვილის დაბადებიდან 150 წლისთავისადმი მიძღვნილ კვირეული _ "ექვთიმე თაყაიშვილი 150" გაიმართება.
საქართველოს ეროვნული მუზეუმის ინტორმაციით, დღეს, მუზეუმისა და საქართველოს იუნესკოს საქმეთა ეროვნული კომისიის ერთობლივი პროექტის "დაკარგული ტექნოლოგიების კვალდაკვალ - ტიხროვანი მინანქარი" პრეზენტაცია და ფილმის ჩვენება გაიმართება. იმავე დღეს ჯანაშიას სახელობის საქართველოს მუზეუმში გამოფენა მოეწყობა სახელწოდებით _ "დაკარგული ტექნოლოგიების კვალდაკვალ - ტიხროვანი მინანქარი".
24 დეკემბერს, შ. ამირანაშვილის სახელობის ხელოვნების მუზეუმი გამოფენას უმასპინძლებს _ "ძველი საქართველოს მონუმენტური მხატვრობა და მისი მოამაგენი".
26 დეკემბერს, დ. შევარდნაძის სახელობის ეროვნული გალერეაში გამოფენა "დასავლეთ ევროპული ფერწერა ექვთიმე თაყაიშვილის საგანძურიდან", მოეწყობა.
27 დეკემბერს, გამოფენა "ექვთიმე 150", ექვთიმე თაყაიშვილის ცხოვრებისა და მოღვაწეობისადმი მიძღვნილი კატალოგის პრეზენტაცია და ს. ჯანაშიას სახელობის საქართველოს მუზეუმში გამოფენა "საქართველოს არქეოლოგია ძვ.წ VIII ათასწლეულიდან ახ.წ IV საუკუნემდე" მოეწყობა.
ექვთიმე თაყაიშვილის დაბადებიდან 150 წლისთავთან დაკავშირებით, გაერთიანებული ერების განათლების, მეცნიერებისა და კულტურის ორგანიზაციამ (UNEშჩO) 2013 წელი დიდი ქართველი მეცნიერისა და საზოგადო მოღვაწის, ექვთიმე თაყაიშვილის წლად გამოაცხადა.
ექვთიმე თაყაიშვილი XIX საუკუნის 80-იანი წლების ბოლოს და XX საუკუნის 50-იან წლებში მოღვაწეობდა. თაყაიშვილმა არა მხოლოდ ადგილი მიუჩინა კულტურის უამრავ ძეგლს ეროვნულ საგანძურში, არამედ საფუძველი ჩაუყარა მათ მეცნიერულ შესწავლას და პოპულარიზაციას.
მასალის გამოყენების პირობები