თბილისის მერიის მიერ, საშემოდგომო რგვების ფარგლებში, ქალაქის გამწვანება გრძელდება. სხვადასხვა ნარგავებით, მასშტაბური განაშენიანება იწყება ვარკეთილში. ჯავახეთის ქუჩაზე შუა გამყოფ ზოლში სულ 2 400 იტალური ფიჭვი დაირგვება. გამწვანების აქციაში დღეს, თბილისის მერიის ეკოლოგიისა და გამწვანების საქალაქო სამსახურის უფროსმა გიორგი ქორქაშვილმა და სამგორის რაიონის გამგებელმა გიორგი ხახნელიძემ ადგილობრივ მოსახლეობასთან ერთად, მიიღეს მონაწილეობა.ინტენსიური გამწვანების სამუშაოები განხორციელდა დიდ დიღომში, სადაც სამ კილომეტრიანი ქარსაფარი ზოლი გაშენდა, ვაკე-საბურთალოს დამაკავშირებელ ახალ გზაზე, მელიქიშვილის ქუჩასა და რუსთაველის გამზირზე. საშემოდგომო რგვების ფარგლებში, წელს სულ 10 000-ზე მეტი ნერგი დაირგო. დღესვე ვარკეთილის პარალელურად მარჯვენა სანაპიროს გამწვანება დაიწყება, სადაც 150 ჭადარი დაირგვება.