ეკონომიკის სამინისტრომ და კომუნიკაციების მარეგულირებელმა კომისიამ "ობიექტივს" ლიცენზიის დაბრუნებაზე უარი უთხრეს.
როგორც ირკვევა, "ობიექტივს" ხელმძღვანელობამ კომუნიკაციების მარეგულირებელი კომისიიდან და ეკონომიკის სამინისტროდან წერილი მიიღო, სადაც აღნიშნულია, რომ ტელერადიოკომპანიას კონკურსის გარეშე წართმეულ სიხშირეს ვერ დაუბრუნებენ.
ამავე დროს წერილში აღნიშნულია, რომ ციფრულ მაუწყებლობაზე გადასვლასთან დაკავშირებით გარდამავალ ეტაპზე (2015 წლის 1 ივნისამდე) ლიცენზიების გაცემა შეჩერებულია.
