საკრებულოს უმცირესობა საწვავის ხარჯებთან დაკავშირებით განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ: ,,თბილისის საკრებულოს უმრავლესობის მიერ გუშინ გაკეთებულ განცხადებაში სხვა ბევრ საკითხთან ერთად საკრებულოშო საწვავის ხარჯის ზრდა ნაციონალურ მოძრაობას დააბრალა.
თბილისის მოსახლეობის გასაგონად გვინდა განვაცხადოთ და ასევე დავაზუსტოდ, რომ დღეს თბილისის საკრებულოში უმრავლესობა 25, ხოლო უმცირესობა კი 22 დეპუტატისგან შედგება.
უმცირესობის 22 წევრთაგან თანამდებობის პირი მხოლოდ შვიდი დეპუტატია. რაც შეეხება უმრავლესობას, მათგან თანამდებობა, არც მეტი, არც ნაკლები, ოცდახუთივე დეპუტატს უჭირავს.
ყოველივე ზემოთთქმულიდან გამომდინარე იბადება კითხვა: 7 სამსახურეობრივი მანქანა უფრო მეტ საწვავს მოიხმარს, თუ 25.
იმედია, ამ მარტივი ამოცანის პასუხს დედაქალაქის მოსახლეობა თვითონვე ადვილად მიხვდება და საკრებულოში საწვავის ხარჯის ზრდასთან დაკავშირებით შესაბამის, სწორ დასკვნებს გამოიტანს", _ნათქვამია განცხადებაში.
