თბილისის საქალაქო სასამართლომ გიორგი ბარათაშვილი საზოგადოებრივი მაუწყებლის დირექტორის თანამდებობაზე უკვე მეორედ აღადგინა. როგორც ,,ჯი-ეიჩ-ენს" ბარათაშვილის ადვოკატმა ეკა ციმაკურიძემ განუმარტა მისი დაცვის ქვეშ მყოფი საზოგადოებრივი მაუწყებლის დირექტორის პოსტზე უახლოეს დღეებში დაბრუნდება.
,, დღეს დილით საქალაქო სასამართლოში გაიმართა პროცესი, სადაც მოსამართლემ მიიღო გადაწყვეტილება, გიორგი ბარათაშვილის თანამდებობაზე აღდგენისა და განაცდურის ანაზღაურების შესახებ", _განაცხადა ,,ჯი-ეიჩ-ენთან" საუბარში ციმაკურიძემ
შეგახსენებთ, რომ ,,საზოგადოებრივი მაუწყებლის" ბორდმა გიორგი ბარათაშვილი არხის გენერალური დირექტორის თანამდებობიდან ორჯერ გაათავისუფლა. პირველ ეტაპზე ბარათაშვილმა სასამართლოს გზით მოახერხა თანამდებობაზე დაბრუნება.
