დღეს, 20 დეკემბერს, 10:00 საათზე სასტუმრო "ქორთიარდ მარიოტში" პერსონალურ მონაცემთა დაცვასთან დაკავშირებულ საკითხებზე პირველი სამუშაო შეხვედრა გაიმართება. შეხვედრას პერსონალურ მონაცემთა დაცვის ინსპექტორი თამარ ქალდანი გახსნის.
სამუშაო შეხვედრაში მონაწილეობას მიიღებენ სამინისტროების, სააგენტოების, მერიის, სადაზღვევო კომპანიების, საბანკო სექტორის, მსხვილი იურიდიული კომპანიებისა და სხვა ორგანიზაციების წარმომადგენლები.
შეხვედრაზე ჩატარდება პერსონალურ მონაცემთა დაცვის ინსპექტორის აპარატის საქმიანობის ძირითადი მიმართულების პრეზენტაცია; დეტალურად განიხილება მონაცემთა ბაზებთან წვდომის, თითის ანაბეჭდების, დნმ-ის კოდის, თვალის ბადურის გამოსახულების და სხვა ბიომეტრულ მონაცემთა დამუშავებასთან, ასევე სხვა სახელმწიფოსთვის მონაცემთა გადაცემასთან დაკავშირებული საკითხები.
