ანტისაოკუპაციო მოძრაობა, რომელიც ფეისბუკში შესაბამისი სახელწოდების შექმნილი ჯგუფის წევრებს აერთიანებს , 20 დეკემბერს მორიგ აქციას აწყობს.

ანტისაოკუპაციო მოძრაობის წარმომადგენელთა განცხადებით, "სახალხო მოძრაობა რუსულ-ქართული დიალოგისა და თანამშრომლობისთვის" 20 დეკემბერს 13:00 საათზე აწყობს შეხვედრას, რუსულ-ქართული ურთიერთობის გარკვევისა და შესწავლის მიზნით შიდა ქართლის მოსახლეობასთან. მათი შეხვედრა თბილისში, სასტუმრო "ვერე პალას"-შია დაგემილი. ჩვენ გადავწყვიტეთ გავაპროტესტოთ ეს სამარცხვინო და მეტად საშიში ფაქტი და ერთად ვუთხრათ - „არა ოკუპაციას!".
„ნებისმიერი მსგავსი გამოხტომა უნდა აღვკვეთოთ ძირშივე, რომ იცოდეს საქართველოს ყველა მოღალატემ, კომფორტულად კოლაბორაციონისტები ვერ იქნებიან", - აცხადებს ანტისაოკუპაციო მოძრაობის წევრი გიორგი ფირცხალავა.
ანტისაოკუპაციო მოძრაობის წევრები აქცისთვის ამზადებენ შემდეგი შინაარსის პლაკატებს:
არა - პუტინის "ევრაზიულ კავშირს" და მის დასაყრდენს საქართველოში -"ევრაზიის ინსტიტუტი"!!!;
ძირს კრემლის აგენტურა საქართველოში!! 3. Долой банду Путина!!;
Россия - оккупант!!;
Нет "Институту Евразии" - Нет Путину - Нет Рабству !!;
ჩვენ არ გვინდა უკან, სსრკ-ში!;
ხელები შორს საქართველოსაგან!;
რუსეთი ოკუპანტია!;
"ევრაზიის ინსტიტუტი" საქართველოს ოკუპაციის დამკანონებელია!!;