კულტურის სამინისტრო ფოლკლორის სახელმწიფო ცენტრში ჩატარებული აუდიტის შედეგებს ასაჯაროებს და განცხადებას ავრცელებს, რომელსაც ,,ჯი-ეიჩ-ენი" უცვლელად გთავაზობთ: ,, საქართველოს კულტურისა და ძეგლთა დაცვის სამინისტროს შიდა აუდიტისა და მონიტორინგის დეპარტამენტის საქმიანობის პრინციპებიდან გამომდინარე, გეგმიურად ხორციელდება სამინისტროს სისტემაში შემავალი ორგანიზაციების აუდიტი.საქართველოს ფოლკლორის სახელმწიფო ცენტრში აუდიტის ჩატარება გეგმიურ სტანდარტულ პროცედურას წარმოადგენს .ჩატარებული აუდიტის შედეგად გამოვლინდა მნიშვნელოვანი დარღვევები: გიორგი უშიკიშვილის მიერ ცენტრში განხორციელებული სარემონტო სამუშაოები დამოწმებულია სხვადასხვა დროს და სხვადასხვა თანხებზე. ერთი და იმავე საგანზე წარმოდგენილია გაორებული შესრულებულ სამუშაოთა და მიღება-ჩაბარების აქტები.„ფოლკლორის ცენტრის" სტრუქტურაში მოქმედი სკოლა-სტუდია გიორგი უშიკიშვილმა გამოყო ფოლკლორის ცენტრიდან და პირადად გახდა აღნიშნული სკოლა-სტუდიის მფლობელი.ფოლკლორის ცენტრის ბალანსზე რიცხულ შენობაში უკანონოდ ფუნქციონირებს გიორგი უშიკიშვილის მიერ პირადად დაფუძნებული შპს. ფოლკ-რადიო და ა(ა)იპი სკოლა-სტუდია.წლების მანძილზე ფოლკლორის ცენტრში არ ჩატარებულა ინვენტარიზაცია, რაც უხეშად არღვევს სახელმწიფო ქონების განკარგვისა და მართვის დადგენილ ნორმებს.წლების განმავლობაში საიჯარო ხელშეკრულებები კანონმდებლობის დარღვევებით ფორმდებოდა.გამოვლინდა ცენტრის საბიუჯეტო სახსრების არამიზნობრივი ხარჯვის რამდენიმე მნიშვნელოვანი ფაქტი გიორგი უშიკიშვილის პირად საკუთრებაში არსებულ აქტივებზე იხარჯებოდა საბიუჯეტო თანხები).
გარდა მთელი რიგი დარღვევებისა, წლების მანძილზე ფოლკლორთან დაკავშირებული საზოგადოების დიდი ნაწილი უკმაყოფილებას გამოთქვამდა ბატონი გიორგი უშიკიშვილის მიერ ცენტრის მართვის არასწორი პოლიტიკის, შემოქმედებითი საკითხების ერთპიროვნულად გადაწყვეტისა და ტენდენციურობის გამო.ზემოთ ჩამოთვლილი ფინანსური, იურიდიული და სხვა ნორმების დარღვევის გათვალისწინებით, საქართველოს კულტურისა და ძეგლთა დაცვის მინისტრმა მიიღო გადაწყვეტილება სსიპ ფოლკლორის ცენტრის დირექტორის ბატონი გიორგი უშიკიშვილის დაკავებული თამამდებობიდან გათავისუფლების შესახებ", _ნათქვამია განცხადებაში.
