საპარლამენტო ოპოზიციის ერთ-ერთი ლიდერის ნუგზარ წიკლაურის განცხადებით, ცხინვალში მარტის ბოლოს მარიონეტული რეჟიმით უკმაყოფილო მოსახლეობის აქციები იგეგმება.
"ცხინვალის ოკუპირებულ რეგიონში სოციალური და ჰუმანიტარული კუთხით ჯოჯოხეთია, რამაც ადგილობრივი მოსახლეობის დიდი უკმაყოფილება გამოიწვია. გვაქვს ინფორმაცია, რომ მარტის ბოლოს დიდი აქციებია დაგეგმილი", - აღნიშნა "ჯი-ეიჩ-ენთან" საუბრისას ნუგზარ წიკლაურმა.
მისივე ინფორმაციით, რუსულ საოკუპაციო ჯარში სოციალური პირობების გამო უკმაყოფილება კიდევ უფრო გაიზარდა და ოკუპანტები ცდილობენ სამხედროების ქართული მხარის კონტროლირებად ტერიტორიაზე გადმოსვლა ე.წ. სასაზღვრო ბიძებით შეაჩერონ.
"გაზაფხული მოდის. ამ დროს კი რუსული ჯარიდან გამოქცეულთა რაოდენობა განსაკუთრებით იზრდება. სეპარატისტებს და ოკუპანტებს კი სურთ ეს უკმაყოფილება მავთულხლართებით აიშორონ", - აღნიშნა დეპუტატმა და აქვე დასძინა, რომ ის მინიმალური რესური, რომელიც რუსეთმა ე.წ. საზღვრების მოსაწყობად გამოყო "კოკოითის რეჟიმის წევრებმა უკვე სახლში წაიღეს და შეჭამეს კიდეც".
