სასჯელაღსრულების, პრობაციისა და იურიდიული დახმარების საკითხთა მინისტრის ხათუნა კალმახელიძის ინფორმაციით, ქსნის კოლონიაში ხანძარი სავარაუდოდ მოკლე ჩართვამ გამოიწია.
როგორც მინისტრმა კოლონიის დათვალიერების შემდეგ აღნიშნა, ვითარება სტაბულურია, ხოლო ხანძრის შედეგად მიყენებული ზარალი მინიმალური.
~ქსნის კოლონიის თანამშორმლებს მადლობა მინდა გადავუხადო, რომ ხანძრის ლოკლიზება მალე მოახერხეს. სამწუხაროდ ბესარიონ ავსაჯანიშვილის გადარჩენა ვერ მოხერხდა, თუმცა ინციდენტის შედეგად სხვა არავინ დაზარალებულა~, - აღნიშნა კალმახელიძემ.
მისივე თქმით, ხანძრის მიერ დაზიანებული კოლონიის შენობის აღგენა უახლოეს მომავალში მოხდება.
~სამწუხაროა, ინციდენტი სწორედ მაშინ მოხდა, როდესაც რამდენიმე კვირაში უკვე ახალი სასჯელაღსრულების დაწესებულება უნდა გავეხსნა და მსჯვრდებულები იქ გადაგვეყვანა. მიუხედავად ამისა, ხანძრის მიერ დაზიანებული შენობის აღდგენა აუცილებლად მოხდება~, - აღნიშნა კალმახელიძემ.
შეგახსენებთ, რომ ქსნის კოლონიის ტერიტორიაზე ხანძარი 6 მარტს, 18.30 საათზე ბარაკის ტიპის საკანში გაჩნდა.
ხანძრის დროს დაიღუპა პატიმრი ბესარიონ ავსაჯანიშვილი. არსებული ინფორმაციით, ბესარიონ ავსაჯანიშვილი ინვალიდი იყო, მან საკნიდან გასვლა ვერ მოახერხა და ცეცხლის ალისგან გაიგუდა.
ადგილზე მთელი ღამე იმყოფებოდნენ სასჯელაღსრულების სამინისტროსა და საგამოძიებო ორგანოების თანამშრომლები.
კოლონია გუშინვე მოინახულეს დეპუტატებმა დიმიტრი ლორთქიფანიძემ, ჯონდი ბარათურიამ და ეკა ხერხეულიძემ.
კოლონიიის მიმდებარე ტერიტორია პატიმრების ახლობლებმა მას შემდეგ დატოვეს, როდესაც სასჯელაღსრულების სამინისტროსა დაციხის ადმინისტრაციის გადაწყვეტილებით, მათ პატიმრებთან ტელეფონით გასაუბრების საშუალება მიეცათ.
