ლოს-ანჟელესის პოლ გეტის მუზეუმის ექსპერტთა ჯგუფი დღეს ვანში აღმოჩენილი განძის ტექნიკური კვლევის პირველად შედეგებზე მოხსენებას წაიკითხავს.
ღონისძიება საქართველოს ეროვნული მუზეუმის აუდიტორიაში 13.00 საათზე გაიმართება, სადაც დამსწრე საზოგადოებას პოლ გეტის მუზეუმის კონსერვატორი ჯეფრი მეიში 2007 წელს ვანში აღმოჩენილი განძის ტექნიკური კვლევის პირველადი შედეგების გააცნობს.
შეგახსენებთ, რომ 2007 წელს ვანში არქეოლოგიური გათხრების შედეგად ბრინჯაოსა და რკინის განძი აღმოჩნდა, რომელიც სატაძრო ინვენტარისაგან შედგება. ბრინჯაოსა და რკინის ჭრაქები, სასაკმევლეები, სადგრები, დიდი ზომის ბრინჯაოს ჭურჭელი და შუბისპირები ძვ.წ. III-I საუკუნეებით თარიღდება.
გასულ წელს გეტის მუზეუმში ამერიკელ და ქართველ მეცნიერთა ჯგუფმა ორი ჭრაქის და ერთი სასაკმევლის ტექნიკური შესწავლა და რესტავრირება დაასრულა. ამჟამად მიმდინარეობს განძის დანარჩენი ნაწილების კვლევა.
ექსპონანტები მიმდინარე წლის შემოდგომაზე სიმონ ჯანაშია სახელობის საქართველოს მუზეუმის განახლებულ საგამოფენო დარბაზში გამოიფინება.
