საქართველოს პრეზიდენტი მიხეილ სააკაშვილი ჟურნალ "კომერსანტ-ვლასტისათვის" მიცემულ ინტერვიუში აცხადებს, რომ იგი რუსეთს დასუსტებას და დაშლას არ უსურვებს და ელის, თუ როდის ჩატარდება რუსეთში რეფორმები რომელთა შედეგადაც რუსეთი საქართველოსთან კონფრონტაციაზე იტყვის უარს.
სააკაშვილი რუსულ მედიასაშუალებასთან საუბრისას აცხადებს, რომ იგი იმედს იტოვებს, რომ "რაღაც ეტაპზე მოვა ურთიერთგაგება და ნეგატიური შედეგების თავიდან აცილებისათვის საჭიროა იყო თანამედროვე. თანამედროვეობა კი ლიბერალურს ნიშნავს", _ აცხადებს საქართველოს პრეზიდენტი და იქვე ვლადიმერ პუტინის პოლიტიკას არახანგრძლივვადიანს უწოდებს.
აფხაზეთისა და ე.წ. სამხრეთ ოსეთის ირგვლივ შექმნილ სიტუაციასთან დაკავშირებით კი გამოსავალს საქართველოს პრეზიდენტი ხედავს იმაში, რომ "ადრე თუ გვიან რუსეთის ახლანდელი ან მომავალი ლიდერები მიხვდებიან, რომ რუსეთისათვის ერთადერთი გზა ეს მოდერნიზაცია, დემოკრატია და ლიბერალური ეკონომიკაა". მისივე თქმით, რუსული ისტებლიშმენტის ნებისმიერ წარმომადგენელი, როგორც კი კამერები გამოირთვება ამბობს, რომ "იგი წინააღმდეგია აფხაზეთისა და სამხრეთ ოსეთის დამოუკიდებლობის აღიარებისა და საერთოდ სამხედრო ავანტიურებისა".
