პარლამენტის თავმჯდომარე დავით ბაქრაძე უკრაინის პრეზიდენტის ინაუგურაციაზე მიხეილ სააკაშვილის არდასწრების გამო განმარტებას აკეთებს. ამ საკითხით დღეს პარლამენტში მედიის წარმომადგენელები დაინტერესდნენ.
ბაქრაძის განმარტებით, ინაგურაციაზე, როგორც წესი, მასპინძელი ქვეყანა აგზავნის მიწვევას, ჩავიდეს სტუმარი ქვეყნიდან მაღალი რანგის დელეგაცია, თუმცა სტუმარი ქვეყანა თავად წყვეტს, ვინ გაუშვას ინაუგურაციაზე.
"ბევრი ქვეყნიდან ინაგურაციას ესტუმრება საგარეო საქმეთა მინისტრი, ვიცე-პრემიერი, პრემიერი ან პარლამენტის თავმჯდომარე. ბუნებრივია, შესაძლოა, პრეზიდენტიც მონაწილეობდეს ინაგურაციაზე, თუმცა პრეზიდენტის მონაწილეობა იშვიათია. გამონაკლის შემთხვევაში, უფრო პოლიტიკური ურთიერთობებისთვის, ინაგურაციას ესწრება პარლამენტის თავმჯდომარე'', - განაცხადა ბაქრაძემ.
პარლამენტის თავმჯდომარე დავით ბაქრაძე ვიქტორ იანუკოვიჩის ინაგურაციაზე ვიცე-სპიკერ მიხეილ მაჭავარიანთან ერთად 24 თებერვალს მიემგზავრება.
აღნიშნულ საკითხზე განმარტებების გაკეთება მაჭავარიანსაც მოუწია. მან აღნიშნა, რომ ბაქრაძისა და მისი უკრაინაში გამგზავრება სააკშვილმა თავად გადაწყვიტა.
