უკრაინის პრეზიდენტი ვოლოდიმირ ზელენსკი აშშ-ის პრეზიდენტ დონალდ ტრამპთან თავდაცვის შემდეგი პაკეტის შესყიდვის საკითხის განხილვას გეგმავს.
ამის შესახებ ზელენსკიმ ვენაში ავსტრიის პრეზიდენტ ალექსანდრ ვან დერ ბელენთან ერთობლივ პრესკონფერენციაზე განაცხადა.
„ერთ-ერთი საკითხი, რომელსაც პრეზიდენტ ტრამპთან შეხვედრაზე განვიხილავ, არის თავდაცვის პაკეტი, რომლის შესაძენადაც უკრაინა მზადაა.“
ზელენსკიმ აღნიშნა ამერიკული დახმარების მნიშვნელოვანი როლი რუსეთთან ამ ისედაც ხანგრძლივი, სრულმასშტაბიანი ომის ბოლო წლებში.
მან აღნიშნა, რომ ჯერჯერობით არავის სურს წარმოიდგინოს, თუ როგორ იცხოვროს და იბრძოლოს შეერთებული შტატების დახმარების გარეშე.
ამჟამად აშშ-სთან ახალი დახმარების შესახებ მოლაპარაკებები არ მიმდინარეობს, თუმცა ზელენსკი იმედოვნებს, რომ ამ საკითხს ტრამპთან საუბრისას განიხილავს.
16 ივნისს ცნობილი გახდა, რომ აშშ-ის პრეზიდენტი დონალდ ტრამპი კანადაში „დიდი შვიდეულის“ სამიტის ფარგლებში უკრაინის პრეზიდენტ ვოლოდიმირ ზელენსკისთან შეხვედრას გეგმავს.
ზელენსკი სამიტს სტუმრის სტატუსით სამშაბათს დაესწრება.
