"დემოკრატიული მოძრაობა - ერთიანი საქართველოს" ლიდერის, ნინო ბურჯანაძის შეფასებით, ოპოზიციაში არსებული განხეთქილება კიდევ ერთხელ ადასტურებს, რომ თბილისის მერის არჩევნების ჩატარებას აზრი არ აქვს.
"იმ სერიოზული პრობლემების მოგვარება, რომელიც არსებობს, მით უმეტეს ოპოზიციაში მიმდინარე მოვლენების ფონზე, ვერ მოხერხდება ადგილობრივი არჩევნების გზით", - განუცხადა ბურჯანაძემ ჟურნალისტებს.
მისი განმარტებით, პოლიტიკური უმცირესობის შიგნით "დღეს მიმდინარე პროცესები" კიდევ ერთხელ არწმუნებს, რომ არჩევნების ბოიკოტირებასთან დაკავშირებით "დემოკრატიული მოძრაობა - ერთიანი საქართველოს" შეფასებები არის სწორი.
"ამას ადასტურებს რეალობაც", - განმარტავს ბურჯანაძე.
შეგახსენებთ, რომ ოპოზიციაში განხეთქილებაა. პოლიტიკური უმცირესობა თბილისის მერობის ერთიან კანდიდატზე ვერ თანხმდება.
