საქართველოს პარლამენტის თავმჯდომარე დავით ბაქრაძე იმედოვნებს, რომ "დასავლეთის მწვავე განცხადებებით რუსეთს მოუწევს დინების წინააღმდეგ სვლა შეწყვიტოს და ნაკისრი ვალდებულებები შეასრულოს.~ ეს განცხადება დავით ბაქრაძემ დღეს პარლამენტში აშშ-ის სახელმწიფო მდივნის ჰილარი კლინტონის დღეს გაკეთებული განცხადებების კომენტარისას გააკეთა.
ვაშინგტონში, ნატო-ს სტრატეგიის სემინარზე აშშ-ის სახელმწიფო მდივანმა ჰილარი კლინტონმა განაცხადა, რომ ამერიკა აპირებს, ზეწოლა მოახდინოს რუსეთზე, რათა საქართველოსთან დაკავშირებული აღებული ვალდებულებები შეასრულოს. მან აღნიშნა, რომ შეერთებულ შტატებსა და რუსეთს შორის კვლავ არსებობს გარკვეულ საკითხებზე სერიოზული უთანხმოება.
ბაქრაძე აღნიშნავს, რომ მსგავსი ტიპის განცხადებები მნიშვნელოვანია, თუმცა შეიძლება ამას რუსეთის მხრიდან მყიესიერად გადადგმული ნაბიჯები არ მოჰყვეს.
მისი თქმით, დასავლეთის პოზიცია არის იმის წინაპირობა, რომ პროცესები წავა საქართველოს დეოკუპაციისკენ და პოლიტიკური მოლაპარაკებების გზით საქართველოს ტერიტორიული მთლიანობა აღდგება.
",აღმოსავლეთ ევროპის განთავისუფლებაც სწორედ ამ განცხადებებით მოხდა. რუსეთმა შეიძლება დღეს და ხვალ საქართველოდან თავისი ჯარი არ გაიყვანოს, თუმცა საბოლოო ჯამში სწორედ ასეთი განცხადებებით მოუწევს რუსეთს შეწყვიტოს დინების წინააღმდეგ სვლა და შეასრულოს ნაკისრი ვალკდებილებები'', - განაცხადა ბაქრაძემ.
