საქართველოს პარლამენტის თავმჯდომარე დავით ბაქრაძე რეფორმირებულ მეორე არხთან დაკავშირებით დადებულ მემორანდუმს ისტორიულს უწოდებს. ამის შესახებ განცხადება ბაქრაძემ პარლამენტში საზოგადოებრივი მაუწყებლის გენერალურ დირექტორთან გია ჭანტურიასა და NDI-ის დირექტორ ლუის ნავაროსთან გამართულ ერთობლივი ბრიფინგზე განაცხადა
ბაქრაძემ იმედი გამოთქვა, რომ პოლიტიკური მეორე არხი იქნება წარმატებული და იგი შეასრულებს თავის ფუნქციას _ მოსახლეობის ინფორმირებას პოლიტიკური პარტიის აქტიობის შესახებ.
",მოხარული ვარ, რომ დაძაბული სამუშაოს შედეგად დღეს გაფორმდა მემორანდუმი, რომელიც ხელმოწერილია 13 საპარლამენტო და არასაპარლამენტო პარტიის მიერ და რომელიც განსაზღვრავს საერთო თამაშის წესებს ახალი პოლიტიკური არხის ფუნქციონერებასთან დაკავშირებით. ეს შედის ქვეყნის დემოკრატიული განვითარების ინტერესში. ეს არის ისტორიული მემორანდუმი. ამ ხელმოწერით დადასტურებულია, პარლამენტის მონაწილეობა პროექტში, რათა მოხდეს არა მხოლოდ პლენარული სხდომების, არამედ საკომიტეტო მუშაობის პროცესის გაშუქებაც,~ - განაცხადა ბაქრაძემ და NDI-ის დირექტორს მადლობა გადაუხადა შუამავალობისათვის მოლაპარაკებებში, რომელიც წარმატებულად დასრულდა.
დავით ბაქრაძემ და გია ჭანტურიამ მემორანდუმზე ხელი ჟურნალისტების თანდასწრებით მოაწერეს.
