რუსეთის ფედერაციის წარმომადგენელი ნატოში დიმიტრი როგორზინი რადიოსადგურ "ეხო მოსკვის" ეთერში საუბრისას აცხადებს, რომ ამერიკელებს არასოდეს დაუყენებიათ საქართველოს ტერიტორიაზე სამხედრო ბაზის განთავსების საკითხი.
თუმცა, მისივე თქმით, სრულიად შესაძლებელია, ამერიკული სამხედრო ბაზა საქართველოს ტერიტორიაზე განთავსდეს, რაც რუსეთსა და აშშ-ის ურთიერთობების დაძაბვის საბაბი იქნება.
"ამერიკული სამხედრო ბაზა, შესაძლო, გაჩნდეს საქართველოს ტერიტორიაზე. თეორიულად ამ შესაძლებლობას ვუშვებ, თუმცა ეს იქნება დიდი სკანდალი ჩვენსა და ამერიკელებს შორის", _ განაცხადა როგოზინმა.
