თბილისის საერთაშორისო აეროპორტი უკვე რამდენიმე საათია პარალიზებულია. მიზეზი ასაფრენი ბილიკიდან ყაზახური ავიაკომპანიის კუთვნილი ავიალაინერის გადასვლაა. თვითმფრინავი ალმაატადან ჰონკონკგში მიფრინავდა და თბილისის აეროპორტში საწვავის შესასვსებად დაჯდა.
გადაზიდვების დეპარტამენტის მენეჯერის კაკო ბარქაიას განცხადებით, თბილისის საერთაშორისო აეროპორტი 12:00 საათამდე იქნება დაკეტილი, აღნიშნულის მიზეზით გადადებული სამგზავრო რეისები კი დღის პირველი ნახევრის შემდეგ შესრულდება.
"ახლა მიმდინარეობს ყაზახური ავიაკომპანიიდან ტვირთის ჩამოცლა, რათა ლაინერის გადაადგილება მოხდეს. ამას რამდენიმე საათი დასჭირდება", - განაცხადა ბარქაიამ.
მისივე განმარტებით, აღნიშნულის გამო ყველა სამგზავრო რეისი გადაიდო.
