საქართველოს ვიცე-პრემიერმინისტრი გიორგი ბარამიძე რუსეთის უშიშროების საბჭოს მდივნის, ნიკალაი პატრუშევის განცხადებას ეხმიანება და კიდევ ერთხელ აცხადებს, რომ "მოსკოვი ნატოსგან საფრთხეს ხელოვნურად ქმნის".
"ნატოს რომ რუსეთისთვის ზიანის მიყენება სდომოდა, ამისთვის ხელსაყრელი დრო ჰქონდა და ეს იყო 90-იანი წლების დასაწყისში. პატრუშევის განცხადება უსაფუძვლო და პროპაგანდისტულია, თუმცა ეს პროპაგანდა ნატოში საქართველოს და უკრაინის გაწევრიანებას ვერ შეაჩერებს", - განუცხადა ბარამიძემ ჟურნალისტებს.
შეგახსენებთ, რომ რუსეთის უშიშროების საბჭოს მდივნის თქმით, ნატო რუსეთისთვის სულ უფრო სახიფათო ხდება, რადგან ალიანსში ყოველი ახალი სახელმწიფოს გაწევრიანებით ის თანდათან ძლიერდება.
