"ახლანდელი კამპანია არალეგიტიმურია და კანონიერად არჩეული პრეზიდენტი ხელისუფლებას ჩამოცილებულია", _ აცხადებს "ვედომოსტისთან" საუბარში ე.წ. სამხრეთ ოსეთის ოპოზიციის ლიდერი ალა ჯიოევა, რომელსაც ამ დრომდე ცხინვალის საავადმყოდან არ უშვებენ.
ჯიოევას შეფასებით, ამჟამად ე.წ. სამხრეთ ოსეთის "საპრეზიდენტო არჩევნებში" მონაწილეობენ მხოლოდ ისინი ვინც მოსკოვის ნდობით სარგებლობს. თუმცა ე.წ. სამხრეთ ოსეთში მიმდინარე ამ კამპანიაშიც არის თავისი ოპოზიციური კანდიდატი, ეს ლეონიდ ტიბილოვია, რომელსაც მხარდაჭეთა თედეევმა და ჯიოევას რამდენიმე მომხრემ გამოუცხადა.
ე.წ. სამხრეთ ოსეთის საზოგადოებაში არსებული განწყობილებებით იგი შესაძლოა მეორე ტურშიც გავიდეს ე.წ. სამხრეთ ოსეთის "ელჩთან" რუსეთში დიმიტრი მედოევთან ერთად. ამ აზრს ემხრობა პოლიტოლოგი ე.წ. სამხრეთ ოსეთიდან ალან პარასტაევი.
"დაუშვებს თუ არა მოსკოვი ტიბილოვის გამარჯვებას რთული სათქმელია", _ აცხადებს პარასტაევი და აღნიშნავს, რომ მედოევი კარგი დიპლომატია და რუსეთი მასთან წარმატებით იმუშავებდა კიდეც.
აღსანიშნავია, რომ კომუნისტი სტანისლავ კოჩიევი, რომელიც ასევე მონაწილეობს ამ ე.წ. არჩევნებში თავისი გამარჯვების შემთხვევაში ე.წ. სამხრეთ ოსეთის ჩრდილოეთ ოსეთთან გაერთიანებას გეგმავს.
აღსანიშნავია, ასევე, რომ თავად ე.წ. სამხრეთ ოსეთში ჩატარებული ერთი გამოკითხვის შედეგად ამჟამად არსებული მონაცემებით ადამიანის უფლებების დამცველი დავიდ სანაკოევი ლიდერობს - 30,5 %, მეორე ადგილზეა ე.წ. უშიშროების ყოფილი ხელმძღვანელი ლეონიდ ტიბილოვი - 20, 5 %, გამოკითხვის შედეგად მესამე ადგილი მიაკუთვნეს ე.წ. ელჩს რუსეთის ფედერაციაში დიმიტრი მედოევს. მეორე გამოკითვით კი პირველ ადგილზე მედოევია, მეორეზე ტიბილოვი, მესამეზე კი სანაკოევი.
