რუსეთის პრეზიდენტის წინასაარჩევნო კამპანია 2011 წლის 26 ნოემბერს დაიწყო. ექსპერტების აზრით ეს წინასაარჩევნო კამპანია ერთ ერთი ყველა ძლიერი და საინტერესო იყო ბოლო ათწლეულის განმავლობაში.

თითქმის ერთი თვის განმავლობაში ფედერალურ არხებზე "როსია1", "როსია 24", "პერვიი კანალ", "ტვ ცენტრ-მოსკვა" მიმდინარეობდა დებატები კანდიდატებსა და მათ წარმომადგენლებს შორის. ამას გარდა, საპრეზიდენტო კამპანია ასევე მიმდინარეობდა რადიოსადგურების ეთერში, შუქდებოდა 12 გაზეთსა და 1 ჟურნალში.

რუსეთის ცესკომ უკვე გამოაცხადა, რომ საპრეზიდენტო არჩევნების ჩასატარებლად ისინი 100 % მზადყოფნაში არიან. მათივე განცხადებით, არჩევნების წინასწარი შედეგები 5 მარტს დილით იქნება ცნობილი. ოფიციალური შედეგი კი 10 დღეში გამოქვეყნდება. რუსული მედია ასევე აღნიშნავს, რომ პრაქტიკა ისეთია, რომ ცესკო არჩევნების შედეგების დათვლად 10 დღეს არ მოანდომებს და უფრო მოკლე ვადებში ჩაეტევა.

ყოველ შემთხვევაში არჩევნების საბოლოო შედეგი კანონის მიხედვით 14 მარტამდე უნდა გახდეს ცნობილი 17 მარტამდე კი ეს შედეგები ოფიციალურად უნდა გამოქვეყნდეს. 4 მარტს არჩეული პრეზიდენტი თავისი უფლება-მოვალეობების შესრულებას ოფიციალურად 7 მაისს შეუდგება.