არასამთავრობო ორგანიზაცია "ახალი თაობა - ახალი ინიციატივა" არჩევნების თარიღის შეცვლასთან დაკავშირებით საკონსტიტუციო სასამართლოში სარჩელს აღარ შეიტანს. როგორც ორგანიზაციის მიერ გავრცელებულ განცხადებაშია აღნიშნული, საქართველოს პოლიტიკური სპექტრი, ისევე, როგორც ყველა დაინტერესებული საზოგადოებრივი ჯგუფი ამ პროცესის თუნდაც წარმოების დაწყების წინაღმდეგია
"გუშინ ჩვენ გამოვხატეთ სურვილი, პარლამენტისა და პრეზიდენტის უფლებამოსილების ვადების გახანგრძლივების კანონიერებასთან დაკავშირებით საკონსტიტუციო სასამართლოში სარჩელი შეგვეტანა. ჩვენ კონსულტაციები არასამთავრობო ორგანიზაციებთან და სხვა დაინტერესებულ ჯგუფებთან ვაწარმოეთ. მიუხედავად იმისა, რომ კვლავ ჩვენი პოზიციის ერთგული ვრჩებით, კონსულტაციებმა აჩვენა, რომ საქართველოს პოლიტიკური სპექტრი, ისევე, როგორც ყველა დაინტერესებული საზოგადოებრივი ჯგუფი ამ პროცესის თუნდაც წარმოების დაწყების წინაღმდეგია", - აღნიშნულია განცხადებაში.
განცხადების თანახმად, საარჩევნო პროცესის თავისუფალ, თანასწორ და კონკურენტულ გარემოში ჩატარება დემოკრატიული ქვეყნის მშენებლობისათვის უმნიშვნელოვანესი წინაპირობაა და პოლიტიკური კონსენსუსი არჩევნების თარიღთან დაკავშირებით ამის უმთავრესი შემადგენელი ნაწილია.
"ჩვენ, როგორც პასუხიმგებლობის მქონე არასამთავრობო ორგანიზაცია, მივიჩნევთ, რომ საარჩევნო პროცესის თავისუფალ, თანასწორ და კონკურენტულ გარემოში ჩატარება დემოკრატიული ქვეყნის მშენებლობისათვის უმნიშვნელოვანესი წინაპირობაა და პოლიტიკური კონსენსუსი არჩევნების თარიღთან დაკავშირებით ამის უმთავრესი შემადგენელი ნაწილია. ამდენად, ჩვენ გადავწყვიტეთ, საკონსტიტუციო სასამართლოში სარჩელის შეტანაზე უარი ვთქვათ", - ნათქვამია განცხადებაში", - აღნიშნულია განცხადებაში.
შეგახსენებთ, რომ გუშინ ორგანიზაციის ხელმძღვანელმა მიხეილ დევდარიანმა განაცხადა, რომ საკონსტიტუციო სასამართლოში შეიტანდა სარჩელს, რომლითაც 2012 წლის საპარლამენტო არჩევნების და 2013 წლის საპრეზიდენტო არჩევნების თარიღის შეცვლას მოითხოვდა.
