"მანჩესტერ იუნაიტედის" მთავარმა მწვრთნელმა, სერ ალექს ფერგიუსონმა, პრემიერლიგის მომავალი ტურში "ჩელსისთან" დაპირისპირებაზე ისაუბრა. მისი თქმით, "იუნაიტედს" "სტემფორდ ბრიჯზე" მუდმივად არ უმართლებს.
"ბოლო წლების განმავლობაში, "ჩელსისთან" მატჩებში, მათსავე მოედანზე, საშინლად არ გვიმართლებს, რაც ჩვენი წარუმატებლობის მიზეზი ხდება. ერთი მხრივ, ჩემმა ფეხბურთელბმა კარგად იციან, როგორ უნდა ითამაშონ აღნიშნულ შეხვედრაში. მე მათგან ბევრს ველი და დარწმუნებული ვარ, ბოლო წლების უიღბლობა მომავალ შეხვედრაში დასრულდება", - განაცხადა ფერგიუსონმა "მანჩესტერ იუნაიტედის" შიდა ტელევიზიისთვის მიცემულ კომენტარში.
"წითელი ეშმაკები" ჩემპიონობისთვის იბრძვიან, ხოლო "ჩელსის" ამის შანსი დაკარგული აქვს, რადგან ლიდერებს 12 ქულით ჩამორჩება და ამ ჰანდიკაპის გაბათილება, ცუდ ფორმაში მყოფი ლონდონელებისთვის თითქმის წარმოუდგენელია.
