„გუშინ შევხვდი „რესპუბლიკური პარტიის" მიერ დანიშნულ ადვოკატს, რომელიც უკვე ამზადებს სარჩელს და სავარაუდოდ, ორშაბათს ან სამშაბათს სარჩელს შევიტანთ. ალბათ, კომპენსაციასაც მოვითხოვთ და ჩემს სკოლაში დაბრუნებასაც, ამას ადვოკატი გადაწყვეტს. სკოლის დირექტორმა ჩემი კონსტიტუციური უფლება დაარღვია. მან აღიარა, რომ არანაირი დარღვევა არ მქონია და მთელი ჩემი პედაგოგიური მოღვაწეობის მანძილზე არათუ წერილობითი, სიტყვიერი საყვედურიც კი არ მიმიღია. მიუხედავად ამისა, მან შრომის კოდექსის 38-ე მუხლის გამოყენებით, რომელშიც წერია, რომ დამსაქმებელს უფლება აქვს შეწყვიტოს შრომითი ურთიერთობა დასაქმებულთან, სამსახურიდან გამათავისუფლა. მაგრამ სამოქალაქო კოდექსის 115-ე მუხლი ამბობს, რომ ეს არის დამსაქმებლის მიერ უფლებამოსილების ბოროტად გამოყენება," - განუცხადა თამარ სუხიაშვილმა კახეთის საინფორმაციო ცენტრს.

შეგახსენებთ, რომ სერტიფიცირებული პედაგოგი კაკაბეთის საჯარო სკოლიდან 6 იანვარს, ბიძინა ივანიშვილთან თანამშრომლობის მიზეზით გაათავისუფლეს.

თამარ სუხიაშვილს 2004 წელს ჩაბარებული აქვს ისტორიის სასერთიფიკაციო გამოცდა, არის გამოცდების ეროვნული ცენტრის თანამშრომელი, აბიტურიენტთა ნაშრომების გამსწორებელი ისტორიაში.,ორი საერთასორისო კონფერენციიის მონაწილე და ისტორიის მასწავლებელთა ევროპული ასოციაციის წევრი.