პარკში 200-მდე ბავშვი დაპატიჟეს. საახალწლო ზღაპარი ექსკურსიით დაიწყო. მთაწმინდის პარკის ტერიტორია ბავშვებმა ელექტრომატარებლით მოიარეს. შემდეგ პატარებმა ატრაქციონებზე გადაინაცვლეს, საყვარელი ზღაპრების გმირებთან ერთად საახალწლო წარმოდგენაში მიიღეს მონაწილეობა და თოვლის ბაბუასგან საჩუქრები მიიღეს.

"ახალი წელი, პირველ რიგში, ბავშვების დღესასწაულია. ზამთრის ზღაპრის ხიბლი ყველა ბავშვმა უნდა იგრძოს. მაგრამ, განსაკუთრებული სითბო და ზრუნვა უნარშეზღუდულ ბავშვებს ესაჭიროება. სწორედ ამიტომ დიღმის სმენადაქვეითებულ ბავშთა სახლს კომპანია "თელასი" უკვე 8 წელია მფარველობს" - განაცხადა სს "თელასის' საზოგადოებასთან ურთიერთობის დეპარტამენტის უფროსმა ვალერი ფანცულაიამ.

ამ ახალ წელს "თელასმა" არამარტო დიღმის ბავშვთა სახლის აღსაზრდელებზე, არამედ ყველა პატარა თბილისელზე იზრუნა. კომპანიის ფინანსური მხარდაჭერით მთელი ზამთრის სეზონის განმავლობაში ყველა ბავშს ეძლევა შესაძლებლობა უსასყიდლოდ ისარგებლონ ყონულის მოედნით, რომელიც მთაწმინდის პარკში 30 დეკემბრიდან ამოქმედდება.

დამკვიდრებული ტრადიციის მიხედვით, კომპანია "თელასი" საქველმოქმედო საქმიანობას მომავალშიც გააგრძელებს.