ფრაქცია "ძლიერი საქართველოს" თავმჯდომარე გია თორთლაძე ბიზნესმენ ბიძინა ივანიშვილის მიერ "ვარდების რევოლუციის" შემდეგ მინისტრების დაფინანსებას ქველმოქმედებად თვლის.
როგორც დღეს გამართულ ბრიფინგზე თორთლაძემ აღნიშნა, რუსეთის მოქალაქის, ბიძინა ივანიშვილის მიერ პოლიტიკური პარტიების დაფინანსება კანონდარღვევაა.
"რაც შეეხება ივანიშვილის მიერ მინისტრების დაფინანსებას, მე ეს არ ვიცი. თუმცა თუ ის რომელიმე კონკრეტულ სამინისტროს ეხმარებოდა ეს არ არის დარღევა, ეს ქველმოქმედებაა", - მიაჩნია დეპუტატს.
ამასთან, თორთლაძის მტკიცებით, მთავარი პროკურატურის მიერ გამოქვეყნებული დოკუმენტი, სადაც ჩამოთვლია "თავისუფალი დემოკრატების", "რესპუბლიკელების", "კონსერვატორების" და "ხალხის პარტიის" დამფინანსებელი ორგანიზაციები, იქიდან 9 კომპანია ივანიშვილის დაფუძნებულია, ხოლო ორი საქართველოს ფეხბურთის ნაკრების ყოფილი კაპიტნის, კახი კალაძის.
"სხდომაზე სწორედ ამაზე ვსაუბრობდი, რომ აღნიშნული პარტიები რუსი ოლიგარქისგან ფინანსდება და ეს არის ეფ-ეს-ბე-ს ფული", - აცხადებს გია თორთლაძე.
მისივე თქმით, მაქვს აქვს ინფორმაცია, რომ კალაძის მიერ პარტიებისთვის გადაცემული თანხები მას ივანიშვილმა ჩაურიცხა და მისი ოდენობა 2 მილიონი დოლარი იყო.
