უკრაინის გენერალური პროკურატურა ფლობს მტკიცებულებებს იმის თაობაზე, რომ 1996 წელს სახალხო დეპუტატისა და მეწარმის ევგენი შერმანის მკვლელობისათვის ფული იმ კომპანიებმა გადაიხადეს, რომლებიც ქვეყნის ექს-პრემიერს იულია ტიმოშენკოს ეკუთვნოდა. შესაბამისი განცხადება უკრაინის გენერალური პროკურორის პირველმა მოადგილემ რენატ კუზმინმა გააკეთა.
"ფული ქილერების ანგარიშებზე იმ ფირმებიდან შევიდა, რომლებიც ლაზარენკოს (უკრაინის ექსპრემიერი) და ტიმოშენკოს ეკუთვნოდათ. ამ ფირმებს აკონტროლებდნენ ეს ადამიანები. უფრო მეტიც ფირმამ Somali Enterprises, რომელმაც გადარიცხა ფული შერმანის მკვლელობისთვის გადარიცხა ფული ტიმოშენკოსთვის ქურქის, ძვირფასეულობის, ავტომანქანების შესაძენად, სასტუმროებში და რესტორნებში ხარჯების დასაფარად", - განაცხდა კუზმინმა.
გენერალური პროკურატურის გამომძიებლები აპირებენ, გაარკვიონ თუ რამდენადაა თავად ტიმოშენკო კავშირში მკვლელებისთვის ფულის გადარიცხვაში.
შეგახსენებთ, რომ საფინანსო კორპორაცია "ანტონის" ხელმძღვანელი და უმაღლესი რადას დეპუტატი ევგენი შერმანი დონეცკის აეროპორტში 1996 წელს მოკლეს. მასთან ერთად მისი მეუღლე და პოლიციის აეროპორტის თანამშრომელი დაიღუპა.
