~ქრისტიან-დემოკრატების~ ერთ-ერთი ლიდერის ლევან ვეფხვაძის განცხადებით, ერთ თვეში თავდაცვის სამინისტროს 45 მილიონი ლარი ემატება, აქედან 35 მილიონი შეირაღებული ძალების გაერთიანებული შტაბის ასიგნებაა.
~ომს ხომ არ ველოდებით? თუ რაიმე ხდება გაგვაგებინეთ, ხალხო. ერთ თვეში 45 მილიონი ემატება, რაში უნდა დაიხარჯოს? როგორ უნდა დაიხარჯოს? ამის შესახებ არანაირი ინფორმაცია არ არის. ეს თანხა არის სწორედ ის თანხა, რომელიც შეგვიძლია გადმოვისროლოთ და ეს 45 მილიონი ლარი, ორი მესამედით დაფარავს პირველი იანვრიდან იმ პენსიონერების დაზღვევის პროგრამას, რომელსაც თქვენ 1 სექტემბრიდან ასრულებთ~, - აღნიშნა ლევან ვეფხვაძემ.
ვეფხვაძემ ასევე ისაუბრა იმ თანხებზე, რაც ზოგიერთ უწყებას 2011 წლის ბიუჯეტით ემატება.
~როდესაც დაფინანსების ზრდაზეა საუბარი, გეტყვით, ეკონომიკის სამინისტროში არსებობს საწარმოთა მართვის სააგენტო, რომელსაც წელს, თვენახევარში 27 მილიონ 200 ათასი ლარი ეძლევა. 2012 წლის ბიუჯეტს გადავხედოთ, ვნახოთ, სახელმწიფო საწარმოებიდან რა მოგებას ელოდება ბიუჯეტი, რომ მერე გაისტუმროს სოციალური ხარჯები. წელს, ბიუჯეტში 50 მილიონი გვქონდა, მომავალ წელს, ის სტრუქტურა, რომელსაც ერთ თვეში ვაძლევთ 27 მილიონს გვპირდება, რომ ბიუჯეტში ორჯერ ნაკლებს, ანუ 25 მილიონ ლარს შემოიტანს. ეს არის რიცხვები, რომელსაც თქვენ არ გინდათ, რომ თვალი გაუსწოროთ~- აღნიშნა ვეფხვაძემ.
აღნიშნული განცხადება ვეფხვაძემ დღეს 2011 წელის ბიუჯეტში ცვლილებების განხილვისას გააკეთა.
