სიმინდის მოსავლით დაზარალებულთათვის კომპენსაცია სარეზერვო ფონდებიდან გაიცემა, - ამის შესახებ ფინანსთა მინისტრმა დიმიტრი გვინდაძემ პარლამენტში მიმდინარე წლის სახელმწიფო ბიუჯეტში ცვლილებათა პროექტის განხილვისას "ქრისტიან-დემოკრატების," საპასუხოდ განაცხადა.
"ქრისტიან-დემოკრატების" ფრაქციის თავმჯდომარე გიორგი ახვლედიანს აინტერესებს რატომ არ არის გათვალისწინებული ბიუჯეტის ცვლილებებში პრეზიდენტის პირობა, სიმინდის მოსავლით დაზარალებულთა სუბსიდირებზე.
ფინანსთა მინისტრის განმარტებით, სიმინდის პროგრამის სუბსიდირება მოხდება არსებული სარეზერვო ფონდებიდან გადაწყვეტილების მიღების შემთხვევაში.
