დღეს პარლამენტის პლენარულ სხდომაზე გამოსვლისას გაბაშვილმა განაცხადა, რომ ბოლო რვა წლის განმავლობაში შეცდომებიც იქნა დაშვებული, მაგრამ ~საერთო ჯამში სულ სხვა ქვეყანა გვაქვს~.

~ოპოზიცია კითხულობს, თუ რატომ იმარჯვებს მხოლოდ ერთი პარტია ყველა იმ არჩევნებში, რომელიც საქართველოში ~ვარდების რევოლუციის~ შემდეგ ჩატარდა. ამის განმარტება მარტივია: მაშინ, როცა ჩვენი პოლიტიკური ოპონენტები ლამპიონებს, შადრევნებს, ველოსიპეტების ბილიკებს და ველოსიპეტებს ებრძვიან, როცა ისინი ძეგლებს ზომავენ და ზოგი მაღლად ეჩვენებათ, ზოგი კი დაბლად, ამ დროს ჩვენ ტოტალურ კორუფციას, ქურდულ სამყაროს, უშუქობას, უგზოობას ვებრძვით. ეს არის მთავარი გამოწვევა, რომელიც ამ ქვეყნის მოსახლეობას ყველაზე მეტად აწუხებს და ნაკლებად აინტერესებს, ლამპიონებისა და შადრევნების ფორმები, ის, თუ სად გაივლის ბილიკი და როგორი იქნება ის, თუმცა რა თქმა უნდა, ისიც უხარიათ და სიამოვნებთ, რომ მათ გარშემო არამხოლოდ ქუჩები და უბნები, არამედ მთელი ქალაქები იცვლება. ადამიანები ნებისმიერ კარგ ცვლილებას ხედავენ და მცირე წინგადადგმულ ნაბიჯსაც აფასებენ~ - განაცხადა უმრავლესობის ერთ-ერთმა ლიდერმა გოკა გაბაშვილმა.