რუსეთის ხელისუფლებას არ აინტერესებს, თუ რა შეფასებას აძლევს ჩრდილოატლანტიკური ალიანსი სამხრეთ ოსეთში ჩატარებულ არჩევნებს. ეს განცხადება ნატოში რუსეთის მუდმივმა წარმომადგენელმა დიმიტრი როგოზინმა ჩრდილოატლანტიკური ალიანსის ხელმძღვანელის ანდერს ფოგ რასმუსენის მიერ გაკეთებული განცხადების კომენტირებისას გააკეთა, რომელშიც რასმუსენმა განაცხადა, რომ ნატო არ სცნობს ცხინვალის რეგიონში ჩატარებულ ე.წ. საპრეზიდენტო არჩევნებს და კვლავინდებურად მხარს უჭერს საქართველოს სუვერენიტეტსა და ტერიტორიულ მთლიანობას საერთაშორისოდ აღიარებულ ფარგლებში.
"ნატო არაკომპეტენტურია ასეთი განცხადებები აკეთოს. ის არ არის ჰუმანიტარული ორგანიზაცია და არ ჰყავს თავისი დამკვირვებელი რეგიონში ან არჩევნებზე", _ განაცხადა როგოზინმა.
შეგახსენებთ, რომ ჩრდილოატლანტიკურმა ალიანსმა და ევროკავშირმა გაკეთეს განცხადება იმის შესახებ, რომ ოკუპირებულ ცხინვალის რეგიონში ჩატარებულ არჩევნებს არ აღიარებენ.
