დღეს, 11 ნოემბერს, 14:00 საათზე, "გუდვილი" ბათუმის ცენტრში ახალი ფორმატის ბულანჟერიას გახსნის. გახსნის ოფიციალურ ცერემონიას ქალაქ ბათუმის მერი რობერტ ჩხაიძე და "გუდვილის" ხელმძღვანელობა დაესწრება,
ბულანჟერია მემედ აბაშიძის ქუჩაზე მდებარეობს, რომელიც ერთ-ერთი ყველაზე ძველი და ლამაზი ქუჩაა ბათუმში.
"გუდვილის" მენეჯმენტის განმარტებით, ბულანჟერია "გუდვილის" ახალი ბრენდის, "მარშეს" სახელით დაიწყებს ფუნქციონირებას. შეთავაზებული იქნება ფრანგული რეცეპტურით დამზადებული პურ-ფუნთუშეული, დესერტები, კრუასანები, ტორტები.
"იქნება ყავის ფართო არჩევანი, ცნობილი ფრანგული კრუასანები. მსუბუქი, დაბალკალორიული დესერტები. არჩევანი საკმაოდ დიდია და ფასებიც ყველასთვის ხელმისაწვდომი. ნებისმიერი სტუმარი თავს იგრძნობს მყუდრო გარემოში. ასეთი ბულანჟერია ბევრია ევროპაში და დარწმუნებული ვარ საქართველოშიც წარმატებული იქნება", - აცხადებს "გუდვილის" ვიცე-პრეზიდენტი ნინო შევარდნაძე.
"გუდვილი" ბულანჟერიის გაფართოებასაც აპირებს. ზაფხულამდე "მარშეს" ახალი ფილიალი ბათუმში გაიხსნება, მოგვიანებით კი თბილისსაც მოიცავს.
