დღეს, 7 ნოემბერს, საქართვერლოს საგარეო საქმეთა მინისტრი გრიგოლ ვაშაძე სომხეთში ჩავა და ქვეყნის პრეზიდენტს, სერჟ სარგსიანს შეხვდება.
გრიგოლ ვაშაძის ერევანში ვიზიტის შესახებ წინასწარ განცახადება საგარეო საქმეთა სამინისტროს არ გაუკეთებია. თუმცა, სომხურ მედიაში გავცრელებული ინფორმაციის მიხედვით, ვაშაძის ერევანში ჩასვლა უკავშირდება სომხეთის პრეზიდენტის მიერ საქართველოში დაგეგმილი ვიზიტის გადადებას.
ორი კვირის წინ საქართველოს ოფიციალურმა პირებმა გააკეთეს განცხადება, სერჟ სარგსიანის საქართველოში ვიზიტის შესახებ, რომელიც ნოემბრის დასაწყისისთვის იყო დაგეგმილი. თუმცა სომხეთის პრეზიდენტი საქართველოში არ ჩამოვიდა.
ქართული მხარის განცხადებიდან ორი დღის შემდეგ სომხეთის ქვეყნის საგარეო საქმეთა უწყებამ ოფიციალურად განაცხადა, რომ ვიზიტი არ შედგებოდა. კონკრეტული მიზეზები სომხეთის მხარეს არ დაუსახელებია.
სომხური მედიის ინფორმაციით, ვაშაძე ერევანში სწორედ რეალური მიზეზების დასადგენად ჩადის.
უნდა აღინიშნოს, რომ საქართველოს საქმეთა მინისტრის მოადგილემ, ნინო კალანდაძემ უარყო ინფორმაცია იმის თაობაზე, რომ სომხეთის პრეზიდენტი საქართველოს პრეზიდენტზე ნაწყენია, რაც სავარაუდოდ, გახდა ვიზიტის გადადებისა მიზეზი.
სომხური მედია წერს რომ, თუ რეალური მიზეზი საქართველოს პრეზიდენტის გამონთქვამია, მაშინ საქართველოს საგარეო საქმეთა მინისტრს სომხეთის პრეზიდენტისთვის ბოდიშის მოხდა მოუწევს.
შეგახსენებთ, რომ საზოგადოებასა და რიგი მედია საშუალებების მიერ გავრცელებული ინფორმაციის მიხედვით, სომხეთის პრეზიდენტი ნაწყენი დარჩა მიხეილ სააკაშვილის განცხადების გამო, რომლის მიხედვითაც ქართული მხარე საქართველო-სომხეთის საზღვაზე მეწყერის შედეგად დაზიანებული გზის მონაკვეთის აღდგენას უფრო სწრაფად მოახერხებდა, ვიდრე ეს სომხურმა მხარემ შესძლო.
