ბათუმის საკრებულოს თავმჯდომარე გიორგი კირთაძე თვითმმართველობის წარმომადგენლებთან ერთად სამდღიანი ვიზიტით თურქეთის რესპუბლიკის ქ. კუშადასში იმყოფებოდა, სადაც კუშადასთან დამეგობრებული ქალაქების ფესტივალში მიიღო მონაწილეობა. აღნიშნული ფესტივალი თუქეთის ზღვისპირა ქალაქში უკვე მეორე წელია ტარდება.
ფესტივალის ფარგლებში საკრებულოს თავმჯდომარემ კუშადასის თითმმართველობის ოფიციალურ პირებთან შეხვედრები გამართა და სხვადასხვა ქვეყნის დელეგაციებს რეგიონის ტურისტული პოტენციალის შესახებ ინფორმაცია სპეციალურად მომზადებული პრეზენტაციის საშუალებით გააცნო.
ფესტივალზე ქართული ფოლკლორით ბათუმის ხელოვნებისა და კულტურის ცენტრის მოცეკვავეები წარსდგნენ, რომლებმაც ტრადიციულად მასპინძლებისა და უცხოელი სტუმრების განსაკუთრებული მოწონება დაიმსახურეს.
