განცხადება საგარეო ურთიერთობათა კომიტეტისა და ტერიტორიული მთლიანობის აღდგენის დროებითი საპარლამენტო კომისიის დღევანდელ სხდომაზე განიხილეს.

1. რუსეთის ფედერაციის მხრიდან გახშირებული უკანონო ქმედებები, კერძოდ საქართველოს მშვიდობიანი მოქალაქეების გატაცება ოკუოპირებული ტერიტორიების მიმდებარე დასახლებული პუნქტებიდან, ოკუპირებულ ტერიტორიებსა და დანარჩენ საქართველოს შორის მავთულხლართების კედლის მშენებლობა, ადმინისტრაციული საზღვრების გასწვრივ რუსეთის ფედერაციის ფედერალური უსაფრთხოების სამსახურის სასაზღვრო ძალების განთავსება და საქართველოს საზღვაო აკვატორიის აფხაზეთის მონაკვეთში რუსული სამხედრო კატარღების შემოყვანა არღვევს საეღთაშორისო სამართლის ფუნდამეტურ პრინციპებს და 2008 წლის 12 აგვისტოს 6-პუნქტიან შეთანხმებას.

2. აღნიშნული ქმედებებით რუსეთის ფედერაცია ცდილობს გააღრმავოს საქართველოს ოკუპირებული ტერიტორიების ანექსია, დააკანონის 2008 წლის აგვისტოში საქართველოს ტერიტორიაზე განხიორციელებული საერთაშორისოდ აღიარებული ეთნიკური წმენდა და საქართველოს წინააღმდეგ განხორციელებული სამხედრო აგრესია და გააძლიეროს საქართველოზე სამხედრო და პოლიტიკური ზეწოლა. აღნიშნული ქმედებებით რუსეთის საოკუპაციო რეჟიმი სერიოზულ საფრთხეს უქმნის ოკუპირებულ ტერიტორიებზე დარჩენილ აფხაზური და ოსური ეთნიკური წარმომავლობის საქართველოს მოქალაქეებს, ხოლო კონფლიქტის ხელახალი ესკალაცია ემუქრება არა მხოლოდ საქართველოს, არამედ მთელი ევროპის უსაფრთხოებას.

ზემოაღნიშნულიდან გამომდინარე, საქართველოს პარლამენტი

3. მოუწოდებს საერთაშორისო თანამეგბრობას, მეგობარი ქვეყნების პარლამენტებსა და საერთაშორისო ინსტიტუტებს, გაძლიერდეს რუსეთის ფედერაციაზე საერთაშორისო პოლიტიკური და დიპლომატიური ზეწოლა, ზემოჩამოთვლილი დესტრუქციული ქმედებების შესაჩერებლად;

4. გაგრძელდეს საქართველოს ოკუპირებული ტერიტორიების არაღიარების მტკიცე პოლიტიკა;

5. გაძლიერდეს ზეწოლა რუსეთის ფედერაციიაზე, მის მიერ ევროკავშირის შუამავლობით მიღწეული ცეცხლისშეწყვეტის შესახებ შეთანხმების შესასრულებლად, მათ შორის ოკუპირებულ ტერიტორიებზე ევროპის კავშირის დამკვირვებლების დასაშვებად;

6. დაიწყოს რუსეთის მიერ ოკუპირებულ საქართველოს ტერიტორიაზე საერთაშორისო საპოლიციო ძალების განლაგებისთვის საჭირო მუშაობა, მათ შორის რუსეთის მიერ ჩატარებული ეთნიკური წმენდის შედეგების აღმოსაფხვრელად;

შეგახსენებთ, რომ აღნიშნულ კომიტეტსა და კომისიას რუსეთის ქმედებების ქრონოლოგიური აღწერა და განცხადების მიღება პარლამენტის თავმჯდომარე დავით ბაქრაძემ რამდენიმე დღის წინ დაავალა.