არაბთა გაერთიანებულ საამიროებში უკრაინას, აშშ-სა და რუსეთს შორის სამმხრივი მოლაპარაკებები დაიწყო, რომლის მთავარი თემაც ომის დასრულებაა.
ამის შესახებ უკრაინის საგარეო დაზვერვის სამსახურის ხელმძღვანელი რუსტემ უმეროვი Facebook-ზე წერს.
„უკრაინა–აშშ–რუსეთის მოლაპარაკებების სამმხრივ ფორმატზე გადავედით. დღის წესრიგშია საბრძოლო მოქმედებების შეწყვეტისა და მშვიდობის დამყარებისკენ წინსვლის საკვანძო საკითხები.
ვმუშაობთ უკრაინის პრეზიდენტის მიერ დასახული ამოცანების შესაბამისად“, - წერს უმეროვი.
მოლაპარაკებების დაწყებამდე რუსეთის დელეგაციის ხელმძღვანელმა ვლადიმირ მედინსკიმ იმედი გამოთქვა, რომ შეხვედრა რუსეთ-უკრაინის ინტერესების გათვალისწინებით მშვიდობისკენ წინსვლის შესაძლებლობას შექმნის.
