უკრაინა იმედოვნებს, რომ აშშ-სა და რუსეთთან სამმხრივი შეხვედრა აბუ-დაბიში 10 ნოემბრამდე შედგება. ამის შესახებ უკრაინის პრეზიდენტმა ვოლოდიმირ ზელენსკიმ ნიდერლანდების პრემიერ-მინისტრ რობ იეტენთან ერთად მედიასთან საუბრისას განაცხადა.
მისი თქმით, სამმხრივი შეხვედრისთვის მზადება გრძელდება და კიევი იმედოვნებს, რომ ახლო აღმოსავლეთში მიმდინარე ესკალაცია მოლაპარაკებების გამართვას ხელს არ შეუშლის.
„გრძელდება აბუ-დაბიში დაგეგმილი სამმხრივი შეხვედრისთვის მზადება. ვიმედოვნებთ, რომ შეხვედრა 10 ნოემბრამდე გაიმართება და ძალიან გვინდა, რომ ამას ხელი არ შეუშალოს ახლო აღმოსავლეთში ესკალაციის პროცესებმა, რომლებზეც ახლა ბევრს საუბრობენ“, - განაცხადა ზელენსკიმ.
უკრაინის პრეზიდენტის თქმით, შესაძლოა, ასეთი ტექნიკური შეხვედრა რამდენიმე გაიმართოს.
ზელენსკის განმარტებით, დღის წესრიგშია ენერგეტიკის სფეროში ცეცხლის შეწყვეტა, ზღვაზე ცეცხლის შეწყვეტა, ტყვეების გაცვლა და სხვა ჰუმანიტარული საკითხები.
„საკითხები ბევრია და ისინი მხოლოდ ტერიტორიებს არ ეხება. მზად ვართ, ტერიტორიული საკითხიც განვიხილოთ, თუმცა მხოლოდ ლიდერების დონეზე“, - აღნიშნა უკრაინის პრეზიდენტმა.
